ប្រវត្តិ​ និងគោលការណ៏

មជ្ឈមណ្ឌលប្រជាពលរដ្ឋដើម្បីអភិវឌ្ឍន៍និងសន្តិភាពត្រូវបានបង្កើត ដោយ​ក្រុម​មនុស្ស​មួយ​ក្រុម​ដែល​ធ្លាប់​បំរើ​ការ​ងារ​នៅ​ក្នុង​ចលនា​យុវជន​ចាប់​តាំង​ពី​ឆ្នាំ​១៩៩២ក្រុម​នេះ​មាន​គោល​គំនិត​ពង្រឹង​ចលនា​មនុស្ស​ថ្មី​អោយ​​ចូល​រួម​ស្ថាប​នា​សង្គម​ លើ​ផ្នែក​សិទ្ធិ​មនុស្ស​ប្រជាធិប​តេយ្យ​​សន្តិភាព​ សុខុ​មាល​ភាព​​និង​​សេរី​ភាព​នៅ​ក្នុង​សង្គម​កម្ពុជា​ការ​បង្កើត​មជ្ឈម​ណ្ឌល​ប្រជាពលរដ្ឋ​ដើម្បី​អភិវឌ្ឍន៍​និង​សន្តិភាព​នេះ​ទៀត​សោត​គឺ​ដើម្បី​ចូលរួម​ដោះស្រាយនូវ​បញ្ហា​មួយ​ចំនួន​ដែល​កំពុង​តែ​ញ៉ាំ​ញី​ប្រទេស​កម្ពុជា​ជា​អាទិ​គឺ​ភាព​ក្រីក្រ​ ​អំពើ​ពុក​រលួយ​​អំពើ​នី​ទណ្ឌភាព​ ការ​បាត់​បង់​ដីធ្លី​​អំពើ​ជួញ​ដូរ​ស្ត្រី​និង​កុមារ​​ គ្រឿង​ញៀន​​និង​ កង្វះ​ការ​ធានា​សុខ​ភាព​សំរាប់​ប្រជាពលរដ្ឋ​…៘ការ​ប្រឈម​មុខ​ដ៏​ធ្ងន់​ធ្ងរ​ទាំង​នេះ​បើ​មិន​រិះ​រក​មធ្យោបាយ​បង្ការ​ និង​ទប់​ស្កាត់​វា​នឹង​បង្ក​ មហន្ត​រាយ​យ៉ាង​ធ្ងន់​ធ្ងរ​។ ដល់​សង្គម​កម្ពុជា​ទៅ​ថ្ងៃ​អនាគត​ព្រម​ទាំង​រុញ​ច្រាន​ប្រទេស​កម្ពុជា​អោយ​ធ្លាក់​ចូល​ទៅ​ក្នុង​ភាព​ក្រី​ក្រកាន់​ជ្រៅ​ទៅៗ​គំនិត​ថ្មី​មើល​ឃើញ​ថាវិធី​ដ៏​មាន​ប្រសិទ្ធិភាព​គឺ​ត្រូវ​មានក្រុម​មនុស្ស​ដែល​មាន​ការ​ប្តេជ្ញា​ចិត្ត​​ខ្លាំង​ក្លា​ក្នុង​ការ​ចួល​រួម​ដោះ​ស្រាយ​ទប់​ស្កាត់​ទើប​អាច​នាំ​មក​នូវ​សង្គម​ មួយ​ដែល​មាន​ការ​គោរ​ពគ្នា​យោគ​យល់​អធ្យា​ស្រ័យ​គ្នា​មាន​ ​ការ​​ធានា​​សុខ​ភាព​និង​ គ្មាន​អំពើ​ពុក​រលួយ​ ដោយ​ហេតុ​ថា​សង្គម​មក​ម្ពុជា​មាន​បញ្ហា​ជា​ច្រើន​ដែល​ត្រូវ​ដោះ​ស្រាយ​​ទើប ​”មជ្ឈ​មណ្ឌល​ប្រជា​ពល​​រដ្ឋ​ដើម្បី​អភិវឌ្ឍន៍​និង​សន្តិភាព​”ត្រូវ​បាន​បង្កើត​ឡើង​នៅថ្ងៃ​ទី​​ ខែមេសា​ឆ្នាំ២០០៥ ក្រោមការផ្តួចផ្តើមរបស់អតីត​និងសមាជិក​សមាជិ​កា​សមាគម​យុវ​ជន​ខ្មែរ​ដើម្បី​បន្ត​ឧត្តម​គតិ​នៃ​ការ​លើក​កំពស់​សេរីភាព​និង​តម្លាភាព​នៅ​ក្នុង​សង្គម​កម្ពុជា​ជា​បន្ត​ទៀត​។​